響呢個版既 NewsCenter 都報導過有個新品牌既耳機推出左響巿場度,小弟有幸透過鎗王借來作一個評測,令到小弟又有新野玩下喇 ~今次評測既係 Flicker Ear 既 3 單動鐵 Circinus 同 5 單動鐵 Caelum! 天上既繁星咁多,又點會只得十二星座呢?!  廠方今次就用圓規座同雕具座命名兩款耳機,不如睇下相先,然後我地就由對 3 單開始試下啦!

原裝有一個防水盒

Circinus ,3 動鐵,碳纖面板,原裝仲有條 PW audio 為佢而設既耳機線,唔係一般貨仔

黎個close up 靚仔樣

PW audio 線,係有少少,少少硬

睇埋對 5 動鐵既 Caelum,桃紅色其實我幾鍾意! 一樣跟一條 PW audio 既線,只係我照相就甩開左佢

黎個大合照先,兩對既配戴感都唔錯,好舒服!

Circinus 3單耳機以 2千中既價位攻入巿場,絕對係買家一個可以考慮之列。如果心水清,扣除左 PW audio 條線,基本上佢都只係一對二千內左右既耳機。以聲音黎講, Circinus 係完完全全合適鍾意聽 D 突顯人聲耳機既朋友,如果一講人聲又三千蚊左右價位,應該都會諗左去 shure535..  咁我就當 Circinus 同 535 去比一比。人聲既貼耳程度我覺得係相若既,音場亦都接近,係比535 開揚多 d d … 但都算偏向窄 (人聲貼耳耳機通常有呢個情況),但係佢個聲底黎得比 535 有肉地,厚身少少,聽落去比較自然唔做作。另一方面,535 偏向要中高盤向,而 Circinus 就中低盤比較強,但高頻延伸稍稍輸蝕俾 535,但換黎既係一個比較有質感既低頻。低頻量唔會太多,潛得都唔算太深,但係質感係幾好,用黎聽有味道既女毒人聲夠有餘! 分析力黎講,三單耳機算交足功課,起碼所有樂器都清清楚楚復視耳邊,無話乸埋一舊分唔開既情況。以價論物,性價比都算高,人聲向既朋友可以試試~
Caelum 擁有 5 動鐵,對比 Circinus 響分析力方面的確大幅提升! 可唔可以話係 Circinus 既升級版呢? 又唔可以咁講喎⋯⋯ 主要係 Caelum 將Circinus 既高頻延伸大大提升左,而低頻質同量都係比較接近 Circinus。人聲方面 Caelum 比起 Circinus 會後返半步左右亦都無 Circinus 咁厚聲,但係整個音場就打開左,空氣感比較佳,聽Live 既現場感更增加不少! 聲音亦黎得比較通透細緻! 小弟個人覺得在聲音取向方面其實兩對都唔同風格,所以在選擇時都要睇返個人平時聽音樂既取向係咩。鍾意 Live, 開揚,我會選返 Caelum… 聽小品,甜美人聲就可以試下 Circinus…

 

 

http://headfidy.com/forum/forum.php?mod=viewthread&tid=102802&extra=