AV show 2017 終於都曲終人散,今年小弟抽空去左兩日大大話話都留左響入面十鬆d 鐘,但係都未能去哂所有展商既攤位。一來要拍 d 相片希望無去既朋友可以回味下,二來自己都想聽一聽,然後同大家簡單既描術一下,另外亦都同某幾位展商既主理人交流左佢地展品既理念,所以都花左唔少時間。當然時間一定唔係白白咁花去,我會黎一個回顧同埋將我有聽過既展品黎一個好簡單好簡單既簡評,為左方便閱覽,我分返開耳機及線材篇,播放器section,家用section, 希望大家心目中都有個慨念~ 今次無出到相或者無提及過既,唔一定係無好野或者劣評,只係時間問題我玩唔切咁多! 如果大家想知多d , 可以一齊討論落去啦~
耳機及線材篇:
小弟都係主力玩耳機同線材,呢個篇幅既文字同相片都可能會特別多!  大家有興趣就花少少時間去細心欣賞吧~ 無? 唔緊要,都search 下有無自己心目中既品牌出現過啦~
呢兩日主要都淨係用 SP1000 ss 做簡評,而家開始我地既回顧吧~
測試工具 SP1000

FAudio & Mad Cable
FAudio 同 Mad Cable 兩家本地品牌,佢地用埋同一個booth,當中有 Mad cable, NS cable 同 FAudio 耳機,由於時間緊急,基本上我都係叫佢地俾D 自己覺得最有特式或者旗艦級俾我試下! 今次就聽左 Mad Cable 條新線 Re-Mirror 同埋 FAudio 既二十二單耳機
拎上手 Re-Mirror 編織得非常靚,八絞絞埋一齊都相當軟熟,用返佢地做左代理既 eidolic cm 針同2.5 頭,感覺一 d 都唔土炮…. 接上我自己帶去既 Heir Audio 10A,聲音黎得好順滑,高中頻向多,10A 既音場亦都輕易打開,多單耳機下既細節位都幾明確,低頻量稍稍收謙返D ,無咁澎湃,而高中頻感覺係亮而不刺。
咁拿拿聲搭對 FAudio 既二十二單耳機試一下!  細節位都幾充足,耳機本身都係以中高頻為主打 ! 4 超高,8 高,6中,4低,係調音上相當複習同唔容易,但對 Engine 出黎既效果都不錯,高頻延伸能力好強而有線條,唔會係一味死衝上去,音場廣闊,樂器有層此感…  同主理人傾左幾句,點解會研發一對 22 單出黎? 主理人直然,挑戰自己,亦要話俾人知香港出品都有高技術既優質產品。
Mad Cable 展品線材

今次展出新品 Re-Mirror

FAudio 22 單耳機,唔大隻架! 配戴感仲幾ok

配埋 Re-Mirror 一齊試

Dita
唔知大家有無聽過 Dita truth the answer? 我幾年前已經入手既單圈耳機, 鍾意佢既快,狠,準既感覺… 再加埋 build in 就係條雲吞河,曾經令我愛不惜手! 今次展出最新既 Dita Dream,以 truth 為基本,將整個聽感稍稍調暖左,但係音樂感比truth the answer 更強勁,雖然話稍稍調暖,但係聽流行曲會比truth the answer 更合適! 同上次樣都係跟返 VDH 線,仲可以換2.5/3.5/4.4… 方便好多! 條 VDH 仲係 detachable , 可以用黎搭其他耳機添!
Dita – Dream,好似有個 Van Nuys 袋仔喎!!

Final Audio
FA 早排出左 E2000 同 E3000,小弟一直無時間抽身去聽下,雖然話幾百蚊貨仔,但好多燒友都有唔錯feedback. 今次襯住行入大booth,順手試下聽聽! 聽完仲有耳膠送,正! 先講 E3000,點解? 我以為高階d, 原來係調音上完全唔一樣! E3000 係比較合適聽純音響,由其古典,一d  簡單既合奏更加一絕。清晣通透,高分析力,音場好闊, 感覺似坐響演奏廳! 而 E2000 呢,流行樂偏向,但估佢唔到細細粒一單元,出黎 d 聲又唔會乸埋一舊,仲算係細細份咁,幾好聲,人聲仲有一份幾甜美親切感,幾百蚊既耳機交到呢個質數,性價比之高已經無話可說!
E2000 同 E3000 一齊合照

Campfiire Audio
今次 CFA 響AV show 前已經爆響口出一對 Andromeda CK (Snow White) 同 Polaris.. 咁當然都成為CFA 既焦點! 不過唔好意思 Polaris 太多人跟,我無影到相,係 Snow white 就有影底。放心,我有聽到呢兩對耳機! 如果鍾意 Orion,但係又覺得 Orion 差左少少低頻呢,Polaris 可能好啱口味。佢保留左 Orion 既清晣度而加埋d 爽快既低頻,令到佢比 Orion 更全面,價錢都保留返”算係” 中低價,有興趣既不妨一試! 至於今次觸目既 Andromeda CK,真係眼前一亮,白雪雪既外殻極之吸引,戴上耳真係幾吸睛! 咁聲音又係唔係同Andromeda 一樣呀? 廠方就話係有少少調音,咁我聽落,我覺得佢人聲舒服而更有感情! 算係保留返95%左右 綠色既聲音。其實淨係買佢個白雪雪look 都值回票價!
白雪雪既 Andromeda 講樣都殺哂

埋我至鍾意既Lisa….. 引死人

Aroma Audio
一個都係本地品牌,但係先響日本打出名堂! W6 W12 由日本熱返黎香港,今次Aroma 出左全新「八音系列」,賣點係用上不銹鋼外殻,有1圈1鐵既 「初」,7 鐵 玩switch 既 「雙」,同 12 鐵既 「堯」,各有其特色!三隻我都試左 ,「初」係非常雜食型,容易handle 每樣野,當然如果玩大棚野就唔好預佢喇。「雙」就用 7 鐵玩兩個調音,呢排我都對呢 d 可以自己拍switch 既耳機幾有興趣,都留心咁玩下呢一對!基本mode 1 同mode2 既改變係既低頻量,拍向上就比較鑑聽一D,清晣通透 ,細節位幾明顯,雖然話鑑聽一點,但係佢既人聲係非常入耳,甜美而有濕潤感覺! 而mode 2 就變左一對充滿力量既耳機,低頻多左好多,但係聽 Live 係絕配! 好有氣氛同現場既感覺! 我開始以為多左bass 會唔好聽,點知一播 d acuostic live 即時中哂。主理人話「堯」係啱啱改正版,之前大陸展出時吸取左d 意見,而家聽到既係final version,十二單保留返好高既分析力,我好欣賞佢有一份好細緻既縱向層次,音場位置叫適中,唔係太過闊既。同主理人傾過幾句點解用不銹鋼版面? 原因係想用金屬版面去提升個音樂速度 (我覺得佢地係成功),但我即刻諗,咁cm 點算?!!?  主理人話會利用單元既擺位去達到返相同既音樂效果,所以請放心做 cm (我都想做囉!)
12 單元新品「堯」,配上不銹鋼板面,又有一種味道

7 單元 「雙」,不銹鋼板面之餘仲有個switch ,可以玩雙調音

UE

係咪好出奇,講 UE?! 係呀! 佢既會場限定cm 好吸引呀~ 一個 6mm圈,但係質數絕對唔失禮,雖然無得聽一個完全既cm 成品,我心諗佢做到mg6pro 咁就不得了喇!  又有 3d scan, 又有3d print, 本來都諗住衝,但係…… 睇埋下面就知喇!
UE 6mm 單圈 3D print CM

Continue~

Jomo + Effect Audio
出事喇出事喇! 上個月去DxA 聽過 Jomo Flamenco 其實都中中地,今次會場有六對碳纖特別版,想唔死都唔得。入手就係 Jomo Flamenco.  2 超高,2 高,4中,2 低,1 超低,5 way crossover…11 單分怖好似好全面,有 2 個switch control,一個係 bass boost 一個係 treble boost… 已經引到流口水,再聽埋把聲,細緻而擁有高密度,有華麗高頻之餘仲有質有量既下潛低頻,如果仲係覺得唔夠?! 透過 switch 有 4 個 sound signature 去調,好聽又有得玩,唔入手點搞?! 行埋 counter 度講聲…… 呀!唔該我想要一對 Flamenco….
哥哥仔話不如試埋 Effect Audio 條Pharaoh啦,無事既!  我覺得我定力係ok 既,而且銀包都無錢咯,你咪拎黎聽下囉! 8 條 24awg 織出黎既線,好軟身,又係織得好鬼靚仔! 插落對HA 10 度,Ummm….我好冷靜,記住無錢喇,有錢既你可以去試,應該都跌錢收場。 至於點形容呢條身價達 2皮幾既線,呢條留返俾你地自己去摸索吧~
Jomo 11 單 bass treble boost switch
Effect Audio 24AWG Pharaoh
Hifiman
Hifiman 入耳都衝破萬元大關,一單元 RE2000 入耳式殺入呢個巿場! 老實,如果就係聽,唔值,但係要配合返前端先可以發揮到水準 (SP1000 都唔得?) ,呢對野講明先,好食火呀! 有足夠火力先好去搞佢呀!
Re-2000,夠火力先好去試
Unique Melody
今次 UM 展出一對平板入耳 ME1 同 Metor V3… 我無時間試,拍拍照就走左! 留返落舖頭先再玩啦
ME-1,聽返好多網友都俾左好評,搵日去玩
工程版 Metor V3,可以等final version 先
Continue~
Audio Genetic
都係一個本地既品牌,有一系列既線材,品牌既大熱係 Apollo, Calliope 同 Air. 同展商傾開,Apollo 同 Calliope 既原線材係混入左玻璃棉成份,主要係提升外來干擾既影響,而 Air 就加左一條管再注入空氣,咁做係提高聲音既穩定性。呢兩項聽落都好似幾有 gimmick,什少會出現響其他線材度。又一次証明本地誠意之作,唔係抄,唔係偷,真係用心去推動head-fi!! 咁我都好老實不客氣咁試下條旗艦 Apollo! 24 awg 4 絞,用上木製分線器,整體望落去已經好高貴,一開聲,背景係寧靜,訊息量同密度都好高,最吸引到我係佢個高頻延伸係有一條超滑既線條,慢慢收既聲尾聽到唔想除! 佢可以將 HA 10 發揮到一個極點!  睇黎呢條線有機會「為港爭光」,不過咁,聽講個價錢都………… 睇住個荷包啦!

Audio Genetic 展出系列

旗艦 Apollo 同 Calliope,好似兩公婆咁

中間分線器好精緻

Oriolus
老家人主理既灰鸝,黑鸝大家都好熟識,今次展出最新既十單銀鸝!唔玩hybrid,玩多單既銀鸝又有咩唔同?  我聽完之後問展商,呢對耳機個高頻做得咁好既?!!! 我諗除左聽過qdc 外,個高頻做得比較好既國內品牌都要數銀鸝! 高頻要亮麗唔刺耳,佢做到,華麗感,佢做到,線條,佢做到,如果要玩高頻控既,銀鸝絕對要放入大家選擇之列!  雖然我只係玩左半首歌左右,把聲都係有繞樑三日既感覺! 不過呢種聲可能唔係人人啱口味

10 單銀鸝,期待佢最終出街把聲

Warbler
未聽過? 唔緊要,都推介俾大家去試下! 來自土耳其既耳機,只有一單元,無公模,即係只有cm 啦! 一條幼過牙纖既耳機線,身價接近一萬,有幾把炮先? 可能有網友試過話佢把聲好古怪,但大家有無留意過當日試果對其實係私模加耳膠呢….  所以聲音連我自己都有保留,但係聽左一陣,已經覺得 d 聽係好立體同埋好有空氣感! 又有好爽快節奏感… 全日覺得呢對係深不可測既耳機!!

土耳其一單,值得一試

Ambient Acoustic
呢個來自烏克蘭既耳機,我真係第一次聽,亦係真真正正大開眼界既耳機! 有幾多耳機要睇說明書?!  有幾多耳機有 3 個switch 仲要可以換 filter?! 加加埋埋有 16 個組合!  Ambient LAM-7 似乎為將來既耳機技術行前一大步!  聽展商講解時,心中都懷疑郁d switch 會唔會令到把聲變得好古怪先?! 戴上耳一試,就算我加強人聲,加強低頻,搞乜都好,sound signature 係變,但分析度,密度依然係保持住高水平!! 一對耳機咁多配合 (唔該睇住說明書玩) ,性價比又係正爆! 注意喎,呢對耳機係 7 鐵,內殻係注滿物料,硬野黎架! 但係設計者加左個氣孔,減少左腔體內不必要既諧震,聲音更顯穩定! 呢對耳機,我估我不久將來都成為我既收藏,嘻嘻!!!

LAM-7, 同埋仲有LAM-5 ,分別係 7 單同 5 單,3個switch 同 2 個switch

有一個管道可以換filter

close up d switch 先, 仲有個氣孔

拿,記得睇住黎玩

Flicker Ear
同一個booth 仲有Flicker ear, 呢度都有講過 3 單同 5 單,咁我今次都無時間再試,如果有興趣大家都可以落去舖頭玩玩既!

當日展出整個系列

Han Sound 漢聲
早年台灣有 OC Studio, 今年台灣漢聲加入戰團! 今次試左漢聲神級雙頭蛇 Venom! 展商林總好熱情咁去解釋呢條 Venom 既設計理念同材料,佢亦都簡單介紹一下漢聲既線材來源。台灣既線一向都係高質而價錢實際,而漢聲更係滿腔熱誠去發展自己既品牌。林總好興奮咁講,自己線係自己設計,再搵線材生產代工,生產出一條付合佢地高要求既線材!  每次見到咁有熱誠既展商,就更加想聽下佢地既作品! Venom 係一條for AK, 有 3.5 + 2.5 既線,3.5 做grounding, 2.5 做signal, 實行用盡 AK design 用哂兩粒 dac 兩份amp!  咁點解要用 3.5 做地,目的係要將所有既干擾避免響同一組circuit 發生,講出黎好複習,我都唔明,聽啦!!  但係當我用呢條金銀合金4 絞既線時,個背景真係黑到不能再黑,響咁既環境下好多細節都能夠突顯到出黎!! 而且聲音分離度好高,樂器定位係非常清晣! 係一條不可多得既好線,呢條玩design 多過玩物料! 佢都已經響我心目中留左一個非常好印象!

漢聲展品系列

神級 Venom…. 係幾有創意,亦令整體背景好黑,聲音細緻左好多

近睇返係一邊 3.5 TRS 一邊係 2.5 TRRS

Fender
唉,A11 呀 A11…. 我好想好想試,可惜大排長龍!!!! 影左相,不過呢對個插位俾人搞爛左,睇相止下渴啦

有得睇,無得玩

總結耳機線材今年係好多好多野睇,百花齊放,head fi 既質素亦不斷提高…… 價錢都…….. 耳機唔單止係搭下車時聽歌既恩物,亦都係發燒友追求既另一種 Hiend 享受… 買既同時都量入為出,睇住自己個銀包呀~

 

 

 

http://headfidy.com/forum/forum.php?mod=viewthread&tid=102808&extra=page%3D1