有睇我既 2017 AV show 回顧耳機及線材篇都應該會記得我曾經試過一條香港品牌 Audio Genetic 既旗艦線 Apollo ,返到屋企冷靜左幾日之後 ,惱海中總係浮現返佢果種高貴優雅既聲音 ,最終都係出返去舖頭乖乖地咁俾錢帶左一條返屋企 !  我今次並無馬上返黎就影相出返個分享,因為今次我想搵另一條銀鍍金同佢比較一下兩者分別! 而家線材巿場雖然話競爭好大,但其實巿場個容量亦好大,一個愛上玩線既人 (我,同身邊一班好友) 閒閒地都十條八條線響手 ,頂級既都手揸兩三條用黎夾耳機。今年 AV show 最爆既當然係 Effect Audio 既 Pharaoh,開價二萬四找返兩魚,但係睇返原線材係用上 awg24 線,如果佢係銀鍍金+銅鍍金基本成本都唔平。響咁大巿場競爭下,各廠方都各出奇謀,今年起碼兩間展商展出左 AWG24 銀鍍金為主既成品… AG 就係其中一間,仲要係本地品牌,幫香港爭一份光榮 。未去show 前我都唔太認識呢個品牌,行show 就好似尋寶一樣,今年就發現呢個寶物!
可能有網友就想問,AWG24 同 AWG26 有咩分別啊? 一般最簡單說法就係number 越細,線身就越粗,咁當然都係跟返 standard. 但以小弟有限既認知,awg24 同 awg26  最簡單係 awg24 擁有 26條0.1mm 導線 而 awg26 就有 16條0.1mm 導線 (有錯請更正).. 印象中有d 廠會做到線芯少d 但係做條芯做返粗d 。咁有 26條線芯係咪一定好? 線芯多其實有機會產生skin effect,自我互相干擾下到頭來得不嘗失!  但係 AG 響生產原材線時加入左小量玻璃纖維,令線芯與線芯之間既干擾底消,達至最高訊息既傳送,亦有助提升條身柔軟度,呢份設計既心思的確令條線質素提高! 今次開場寫左好多字,不如睇相先!

AG 既Apollo 4 絞, 有個玻璃盒, 有張保用咭, 好高貴

另一個角度睇下個 packing

其實我幾鍾意呢個木分線器,一d 都唔重! 又靚仔

令佢出黎睇下,cm 針應該係用左 oyaide, 2.5 就係古河頭

上面係 AWG24 Apollo, 下面係 AWG26 … 邊條就自己估下

咁大家買條線都一定係關注返把聲! Apollo 係一條非常銀鍍金既線聲底,主要係人聲甜而濕潤,高頻既延伸線條極度細緻而唔刺耳。雖然佢無佢老婆 (Calliope) 高頻咁亮麗,但係佢交出一份有力量既低頻 punching,加上仲有一種源源不絕既訊息量感覺,個人覺得可以配合各種 singature 既耳機,達到一個極緻既提升。另外條線能夠交出一個好寧靜既背景,令一 d 暗位同細緻位變得特出… 似乎係因為原材線加入纖維, 大大減低干擾,二來決勝位在於 awg24 帶來既威力! 我就係用 AWG24 同 AWG26 作一個比較,響一粒弱音位上面,AWG24 演釋出黎係比較圓滑清晣,而 AWG26 係幾明顯會粗糙一D,即係大家話既 “鞋” D (我唔係話另一條 awg26 唔好,係比較之下會有分別),而且訊息量明顯係少左一級。以一條 4 絞既線能夠交出接近  awg26 8 絞既訊息量,而又有較高便擕性同柔軟度,我一定揀返 4 絞!
喂,狗兄,你一面讚好,真係咁好!? 咁唔好我都唔入手同推介啦!不過個人都覺得呢條線仲有進步空間。第一,我個人唔鍾意 oyaide 既 cm 針把聲,覺得佢唔夠實在,如果可以改轉下應該仲有提升,第二,我都想同廠方反影下,  TRRS 頭出線位最好用返少少膠保護,我係有經驗斷過果個位,所以有一定程度陰影。
總括而言,線材既發展每年都進步中,暫時仲未見到一個終點,而且將來應該會出現更多稀有金屬既合金材線,質素係我地暫時都未知,所以無得去比較邊條好過邊條,只係大家夾住自己既耳機時得唔得到自己心目中既 sound signature.  玩線既學問亦高深,小弟都仲係摸索中,希望大家可以互相交流下心得!

 

http://headfidy.com/forum/forum.php?mod=viewthread&tid=102816