今日個活動我諗係香港首次的耳機線活動, 由下午14:00開始, 一路玩到16:00都唔捨得走, 個個會員都分享佢地試線的聽感. 好鬼正!
等我分享下今天的相片先啦.

首先, 一定要多謝方浪音響借出咁寧靜既場地比我地攪依場[萬元級香港品牌耳機線巡禮],


今日既巡禮喺下午二時開始, 未到兩點鐘, 好多會員已經到場, 急不及待咁拎D線材出黎試機了.

而等到14:00, 報左名的會員都到齊後, 就由我鎗王作開場白

除左再次多謝方浪音響借出場地器材外, 仲有四間本地耳機線品牌,

MAD CABLE,

AG,

LABKABLE,

BRIMAR.

仲有當然係要多謝咁多位會員今日抽空支持本網站啦.

今天四間本地品牌除了借出耳機線外, 仲有職員到場為大家講解線材的結構及細節. 超正! 會員聽到有野想問, 都立即有人解答, 係咪超正服務先.

至於今次的巡禮, 我地既玩法係一半人聽兩隻品牌, 另一半就聽另外兩隻品牌, 聽半小時後就互轉位置, 咁每人都可以試晒四個品牌的特性取向.

你地睇下佢地試得幾專心呢.

聽完一節後, 大家都自動分享自己的聽感. 之後又試聽另一邊的線材品牌.

話咁快就試左個半鐘, 個個會員仲帶住隻IN-EAR, 跟本聽到忘記左時間. 

喂喂喂!!! 過晒鐘啦, 要交場啦啦隊長!! (講笑ing), 所以我點都要叫停, 大家一齊影番幅大合照先啦.

照完大合照, 大家都討論下今次的巡禮仲有咩可以改善的地方, 在此多謝各位代理及會員的建議, HEADFIDY定會繼續自強, 不繼進步.

 

 

——————————– 完 ————————————–