今次,問友人借左部 Onkoy PD-S10 黎玩,咁玩得就當然要影幾張相、俾下 comment 同大家 share 一下!  
我都有玩過下上一代 PD-S1 同埋曾經擁有 DP-X1, 我當時玩 DP-X1 係貪佢可以裝下moov, 玩 USB out 去手提dac,不過最後太多甩 2.5 頭過案,另外 DP-x1 開頭聽落好似無咩,但 2.5 聽耐左硬係有陣數碼味抹唔甩,所以都係放左佢 (我已經好少放機)。友人借部 PD-S10 我玩,佢就話今次唔同左,咁第一個感覺的確係同 X1 聲音既距離好近,X1A 我唔知啦,我無玩過 X1A,但三千零既名牌機仔黎講,佢算係可以喇!  

 

手感、按鍵、UI:
使用上都幾簡單,開關,大細聲,play/stop,volume,仲有個key lock 添。拎上手無 P 仔新果部咁膠,volume knob 唔鬆,擰落去幾好feel。有兩個 micro SD 咭槽,任用家點插都得。UI 就非常簡單易用,Wifi, BT, setting, line out, balance out, EQ, folder 搬哂出主版面,一按就ok! 另外仲可以玩 USB audio out, s10 做轉盤角式,暫時駁左 Vantam 都幾穩定, 掟個 DSD file 出黎都可以順暢地播放。今次個 2.5 同 3.5 插座都明顯見到有個拱固膠圈,就咁睇係實淨左好多,可以放心使用呱!

 

聲音:
首先講推力,UI 俾你揀低、正常、高。但係,我試用低增益時,聲音感覺係無咩質感,最低限度都要用 “正常” 先有返 d 密度,但整體推力都只係一般般,遇到d 大少少 ohm 數既耳機佢都推得幾吃力 。今次最驚喜推步我覺得係人聲方面既!中頻係自然,聽落去係亮麗而同音樂係有足夠分離度。Balance 下用上兩粒 ess9018c2m,咁係咪好高分析力呢? 我會比合格多 d 啦,正常既聲音唔會出現夥粒感既,大路聲音係好順滑,但始終有D 弱音同細節好似係缺乏左唔見左,咁扣左d 分! 但值得一讚係個背景夠黑,令到三頻都有返扎實既感覺。
講左中頻,高低又點? 如果你係低頻愛好者,呢部就並非首選。S10 低頻主力玩質唔玩量,個低頻黎得快散得都快,一定唔會俾到下下打心口既感覺! 但相反高頻係幾亮而有份華麗既感覺,而且個延伸比我心目中順滑,如果鍾意聽 d 亮麗人聲既呢部就可以諗下佢喇!

 

Overall:
價格上以三千零黎講要面對國產機會係有挑戰性,但以品牌機黎講就叫 ok 啦,唔可以用高性價比去睇,佢係屬於咁既價錢比返呢個質量你既機種。入面用料唔知啦,官方話相對 S1, 今次用料就落重手好多。咁聲音上的確係有提升,亦都追貼左 DP-X1 ,亦有高度 「便擕」性。如果你地唔係用 d 難推耳機,或者想入門,又想輕巧 (做後備),呢部係可以加入 choice list 度!  

 

睇相喇喂

整張全身相先

 

整多張訓底既

 

側邊有 play, stop, forward, backward, 2 個microSD slot

 

2.5 balance 同 TRS 3.5,  on/off。見到 2.5 個座比之前扎實

 

Micro USB , 差電,過歌, USB audio out 都係佢

 

Volume knob 幾靚仔架