大家好,同大家拜個年先,祝大家身體健康,財源廣財,萬事勝意!
今日主要想同大家傾下而家既銅線! 呢排除左玩下d 銀鍍金之外,就幾鍾意玩既 d 高質純銅,我諗大家都知,PW 1960s 係一條大家都幾認同既純銅,高分析,高通透度,粒感幼細,但係價錢就… 咁我退後一步,試左 OC 條 Montana 4 芯,較果亦都幾接近! Montana 本身係 21awg 超粗既UPOCC銅,用左線套入住,估計係因為無做編織,又想有個靚外觀啦。我用佢自家既2.5mm 頭,so far 佢個頭既聲都算幾靜幾黑,唔使刻意追求用古河喇。


Montana 外觀

線材本身跟多個皮袋,幾靚仔架

呢條 Montana 一樣有高通透度既中頻及高頻,低頻又唔肥,但係佢又俾到一份勁度出黎! 呢條線訊息量頗大,基本上 source 有咩 details 佢都交哂出黎,係爭你耳機可唔可以去演釋還原返出黎。細緻度就無1960s 咁高,粒感比 1960s 粗d,以價論價就一定有個性價比既! 主要一提係,而家呢 d 有返哎上下質素既銅線,佢地既高頻表演完全唔似一條銅線 ,我鍾意佢係因為高頻無純銀線咁衝,一條好既純銀高頻又亮又唔衝既,價錢都4-5k 吧 (個人幾鍾意 Audio Genetic 條Calliope) 。以 Montana 只係 2k 零,俾到下盤之餘,更交到一個順滑唔刺既上盤聲音,我自己覺得係幾抵玩。但係美中不足係太粗,配戴上就一般般,而且耳掛位都用左線套,夏天我就大乸鑊! 個線套可能會索哂 d 汗 ,希望廠方可以諗諗計改善下啦!!

Categories: Feature, 市場動態區